आषाढी एकादशी हा महाराष्ट्रातील एक महत्त्वाचा धार्मिक व सांस्कृतिक सण आहे. या दिवसाचे औचित्य साधून पूर्व प्राथमिक विभागात दिनांक २०२४/७/२०२६ रोजी आनंददायी आणि संस्कार मूल्य जपणारा उपक्रम आयोजित करण्यात आला होता.
सर्व विद्यार्थी पारंपारिक वेशभूषेत उपस्थित राहिले होते; त्यानंतर माननीय मुख्याध्यापिका नमिता जोशी मॅडम यांनी विठ्ठल रुक्मिणीच्या प्रतिमेचे पूजन केले. त्यानंतर सहाय्यक शिक्षिका जान्हवी मॅडम यांनी आषाढी एकादशीची, सर्व विद्यार्थ्यांना छानशी छोटीशी गोष्ट सांगितली. खेळवाडीच्या छोट्या विद्यार्थिनींनी विठ्ठल रखुमाईच्या पालखी समोर ताल धरून दंग झाल्या तसेच मोठ्या शिशुच्या विद्यार्थिनीने छानसा अभंग म्हटला.
त्यानंतर विद्यार्थ्यांनी "ज्ञानोबा-तुकाराम" च्या गजराने वातावरण भक्तीमय केले. त्यानंतर टाळाच्या गजरात दिंडी काढण्यात आली. अशा प्रकारे सर्व शिक्षक-सेविका व विद्यार्थ्यांनी उत्साहाने सहभाग घेऊन हा सांस्कृतिक कार्यक्रम आनंदात साजरा केला.
शुक्रवार, दिनांक १७/०७/२०२६ रोजी पूर्व-प्राथमिक विभागात पावसाळा प्रकल्प मांडण्यात आला. या प्रकल्पामध्ये पावसातील निसर्गाचा देखावा तयार करून मांडण्यात आला होता, तसेच पावसात खेळल्या वरती आपण आजारी पडलो की डॉक्टरांकडे जातो डॉक्टरांकडे असणाऱ्या साहित्याची मांडणी करण्यात आली होती ,
अशा प्रकारे सर्व विद्यार्थ्यांना हा पावसाळा प्रकल्प दाखविण्यात आला. वर्गशिक्षकांनी प्रकल्पातील प्रत्येक घटकाची माहिती समजावून सांगून पावसाळ्याचे महत्त्व, निसर्गातील बदल आणि आरोग्याची काळजी यांविषयी विद्यार्थ्यांना मार्गदर्शन केले. तसेच प्रकल्प बघण्यासाठी सर्व पालकांना सहभागी करण्यात आले होते, पालकांनी सुद्धा अभिप्राय देऊन पावसाळा प्रकल्पाचे कौतुक केले.
पितृ दिन (Father’s Day)
दि. २७/०६/२०२६ रोजी पूर्व प्राथमिक विभागात वडील दिवस उत्साहात साजरा करण्यात आला. या कार्यक्रमास सर्व वडील पालकांनी उत्स्फूर्त उपस्थिती दर्शविली. कार्यक्रमादरम्यान पालकांनी आपल्या पाल्यांसोबतच्या आठवणी व भावना व्यक्त केल्या.
यानंतर विद्यार्थ्यांनी आपल्या वडिलांना प्रेमाची भेट म्हणून स्वतः तयार केलेले ग्रीटिंग कार्ड अर्पण केले. तसेच वडील व विद्यार्थ्यांसाठी मनोरंजक खेळांचे आयोजन करण्यात आले.
या कार्यक्रमामुळे वडील व पाल्यांमधील प्रेम, जिव्हाळा आणि आपुलकी अधिक दृढ झाली. कार्यक्रम आनंददायी वातावरणात यशस्वीरित्या संपन्न झाला.
