२०२६–२७

आषाढी एकादशी

आषाढी एकादशी हा महाराष्ट्रातील एक महत्त्वाचा धार्मिक व सांस्कृतिक सण आहे. या दिवसाचे औचित्य साधून पूर्व प्राथमिक विभागात दिनांक २०२४/७/२०२६ रोजी आनंददायी आणि संस्कार मूल्य जपणारा उपक्रम आयोजित करण्यात आला होता.
सर्व विद्यार्थी पारंपारिक वेशभूषेत उपस्थित राहिले होते; त्यानंतर माननीय मुख्याध्यापिका नमिता जोशी मॅडम यांनी विठ्ठल रुक्मिणीच्या प्रतिमेचे पूजन केले. त्यानंतर सहाय्यक शिक्षिका जान्हवी मॅडम यांनी आषाढी एकादशीची, सर्व विद्यार्थ्यांना छानशी छोटीशी गोष्ट सांगितली. खेळवाडीच्या छोट्या विद्यार्थिनींनी विठ्ठल रखुमाईच्या पालखी समोर ताल धरून दंग झाल्या तसेच मोठ्या शिशुच्या विद्यार्थिनीने छानसा अभंग म्हटला.
त्यानंतर विद्यार्थ्यांनी "ज्ञानोबा-तुकाराम" च्या गजराने वातावरण भक्तीमय केले. त्यानंतर टाळाच्या गजरात दिंडी काढण्यात आली. अशा प्रकारे सर्व शिक्षक-सेविका व विद्यार्थ्यांनी उत्साहाने सहभाग घेऊन हा सांस्कृतिक कार्यक्रम आनंदात साजरा केला.

पावसाळा प्रकल्प

पितृ दिन

गुरुपौर्णिमा

गुरुपौर्णिमेचे औचित्य साधून पूर्व प्राथमिक विभाग विभागात गुरुपौर्णिमा व मातृ-पितृ पूजन हा संस्कारमय कार्यक्रम दिनांक 29 जुलै 2026 रोजी उत्साहात साजरा करण्यात आला.
कार्यक्रमाची सुरुवात माननीय मुख्याध्यापिका नमिता जोशी मॅडम यांच्या हस्ते व्यास मुनींच्या प्रतिमेचे पूजन करून सर्व विद्यार्थी-शिक्षक व सेविकांनी गुरुवंदना व प्रार्थना करून करण्यात आली, तसेच सहाय्यक शिक्षिका तृप्ती मॅडम यांनी गुरुपौर्णिमेची सर्व विद्यार्थ्यांना गोष्ट सांगितली.
त्यानंतर सर्व विद्यार्थ्यांनी शाळेमध्येच आपल्या आई-वडिलांचे औक्षण व पुष्पे अर्पण करून त्यांचा आशीर्वाद घेतला.
अशा प्रकारे या उपक्रमामुळे सर्व विद्यार्थ्यांना गुरुंचे मार्गदर्शन व आई-वडिलांचे प्रेम यांचे महत्त्व समजले तसेच या उपक्रमामुळे मुलांमध्ये भारतीय संस्कृती, संस्कार व कृतज्ञता बळकट होण्यास मदत झाली.तसेच सर्व पालकांनी या उपक्रमाचे खूप कौतुक केले.

दीप पूजन प्रकल्प

भारतीय संस्कृतीत दिवा हा प्रकाश,पवित्रता आणि सकारात्मकते चे प्रतीक मानला जातो. विद्यार्थ्यांना आपल्या संस्कृतीची ओळख करून देण्यासाठी प्री-प्रायमरी विभागात बुधवार दिनांक १२/०८/२०२६ रोजी दीप- पूजन प्रकल्प साजरा करण्यात आला.
या प्रकल्पामध्ये विद्यार्थ्यांनी आणलेल्या मातीचा, पितळेचा, चांदीचा, पंचमुखी दिवा, समई, दगडाचा दिवा, आकाश दिवा असे विविध प्रकारचे व रंगिबेरंगी सजविलेल्या दिव्यांची आरास करण्यात आली होती.
त्यानंतर मा. मुख्याध्यापिका जोशी मॅडम यांनी सर्व दिव्यांचे हार व पुष्पें अर्पण करून पूजन केले व सर्व विद्यार्थी -शिक्षक, सेविका यांनी श्लोक म्हटला, सहाय्यक शिक्षिका सुजाता मॅडम यांनी दीप अमावस्येची सर्व विद्यार्थ्यांना गोष्ट सांगितली.
सर्व पालकांनाही हा प्रकल्प पाहण्यासाठी बोलवण्यात आले होते त्यांनीही या प्रकल्पाचे खूप कौतुक केले हे त्यांनी दिलेल्या अभिप्रायातुन स्पष्ट दिसून आले.

एक दिवस पावसाचा

नागपंचमी प्रकल्प

विद्यार्थ्यांना नागपंचमी सणाची ओळख करून देण्यासाठी दिनांक १७/८/२०२६ रोजी पूर्व प्राथमिक विभागात 'नागपंचमी प्रकल्पाचे' आयोजन करण्यात आले होते. या प्रकल्पाच्या माध्यमातून विद्यार्थ्यांना आपल्या भारतीय संस्कृतीतील सण-उत्सवांची माहिती तसेच सापांचे निसर्गातील महत्त्व समजावून सांगण्यात आले.
या प्रकल्पामध्ये नागाची चित्रे, माती पासून बनवलेले वारूळ, सापाची पूजा करणाऱ्या स्त्रिया, झाडावर झोके घेणाऱ्या मुली यांचे कटआउट्स व गवत लावून छानसा देखावा तयार करण्यात आला होता. मा.मुख्याध्यापिका नमिता जोशी मॅडम व सर्व शिक्षक-सेविकांनी वारुळाचे पूजन केले. तसेच सापांना त्रास न देता त्यांचे संरक्षण करणे आणि निसर्गातील प्रत्येक जीवाचा आदर करणे याबाबत विद्यार्थ्यांना मार्गदर्शन करण्यात आले.
या उपक्रमामुळे विद्यार्थ्यांमध्ये निरीक्षणशक्ती, निसर्गप्रेम आणि भारतीय संस्कृतीविषयी आदर निर्माण होण्यास मदत झाली.
पालकांना सुद्धा हा प्रकल्प खूप आवडला हे त्यांनी दिलेल्या अभिप्रायातून समजले.

🎨 नवनीत तर्फे आयोजित चित्रकला स्पर्धा 🖍️🌈

जागतिक महिला दिन मराठी प्राथमिक विभाग

राष्ट्रीय विज्ञान दिन विद्यालयात साजरा करण्यात आला. मराठी माध्यम

मनःपूर्वक अभिनंदन!